Unicode Version
ပရီးမီးယားလိဂ် ကလပ် အဲဗာတန်အသင်းရဲ့ နည်းပြဖြစ်သူ အန်စလော့တီကတော့ လာမည့် ရာသီသစ်မှာ အဲဗာတန် အသင်းဟာ ပရီးမီးယားလိဂ် ဖလားကို စိန်ခေါ်ဖို့ ပြင်ဆင်လာတော့မှာ ဖြစ်ကြောင်း ပွဲစဉ် ၃၈ မတိုင်ခင် သတင်းစာ ရှင်းလင်းပွဲမှာ ထုတ်ဖော်ပြောကြား လိုက်ပါတယ်။
ဝါရင့် သမ္ဘာရင့် နည်းပြတစ်ဦးဖြစ်သူ အီတလီလူမျိုး နည်းပြကြီး အန်စလော့တီဟာ အေစီမီလန် ၊ ချဲလ်ဆီး ၊ ရီးရဲလ်မက်ဒရစ် စတဲ့ ထိပ်သီး အသင်းတွေကို ကိုင်တွယ်ခဲ့သူ ဖြစ်ပြီး အောင်မြင်မှု များရယူခဲ့သလို အဲဗာတန်အသင်းဟာလဲ ရာသီအစမှာ ပရီးမီးယားလိဂ် အဆင့် ၁ နေရာကို ရယူပြပြီး ပြိုင်ဘက် အသင်းကြီးတွေကို ထိတ်လန့်စေခဲ့ ပါတယ်။
သို့ပေမယ့် ရာသီဝက်မှာ ကစားသမား အင်အား ရှားပါးမှု ၊ ပွဲကြပ်မှု ၊ပွဲပန်းမှုတို့ကြောင့် ပရီးမီးယားလိဂ် ခရီးကြမ်းမှာ လမ်းချော်ခဲ့ပြီး အဆင့် ၁ နေရာမှ ဆင်းပေးခဲ့ရပါတယ်။ လက်ရှိမှာ အဲဗာတန် အသင်းဟာ အဆင့် ၈ နေရာမှာ ရှိနေပြီး ယူရိုပါလိဂ် ဝင်ခွင့်ရဖို့ အဆင့် ၇ နေရာကို ရရှိဖို့ လိုအပ်နေပါတယ်။
ယနေ့ည မြန်မာစံတော်ချိန် ၉ နာရီခွဲမှာလဲ ပရီးမီးယားလိဂ် ချန်ပီယံ မန်စီးတီးအသင်း နဲ့ ရင်ဆိုင်ရမှာ ဖြစ်ပါတယ်။ နည်းပြအန်စလော့တီကတော့ အသင်းအပေါ်ယုံကြည်မှုများရှိနေပြီး လူအင်အားဖြည့်တင်းမှူများ ပြုလုပ်ကာ ပရီးမီးယားလိဂ်ချန်ပီယံဆုကို စိန်ခေါ်သွားမှာ ဖြစ်ကြောင်း ပြောဆိုခဲ့ပါတယ်။
“ ကျွန်တော့် အသင်းဟာ ပရီးမီးယားလိဂ် ၁ နေရာကို ရယူနိုင်တဲ့ အဆင့် ၊ ဆုဖလားကို စိန်ဆခါ်နိုင်တဲ့ အဆင့်ကို ရောက်နေပြီလို့ ထင်ပါတယ်။ ကျွန်တော်တို့ဟာ အသင်းကြီးတွေကို အကောင်းဆုံး ရင်ဆိုင်နိုင်ပြီး ရလဒ်ကောင်းတွေ ရယူ နိုင်ခဲ့ပါတယ်။ ဒါကြောင့် လာမည့်ရာသီမှာ ဆုဖလားကို စိန်ခေါ်မယ့် အနေအထား ရောက်လာတော့မှာပါ ” ဟုပြောကြား ခဲ့ပါတယ်။
